ព័ត៌មានជាតិ

(ភ្នំពេញ)៖ ប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសម្រេចផ្ដល់ថវិកាចំនួន ៦០លានដុល្លារអាមេរិកក្នុងរយៈពេលបីឆ្នាំ សម្រាប់ធ្វើការវិនិយោគពង្រីកហេដ្ឋារចនាសម្ព័ន្ធទឹកស្អាត និងបណ្ដាញទឹកស្អាត ដើម្បីផ្គត់ផ្គង់ជូនប្រជាពលរដ្ឋនៅ ៥ខេត្ត។ សម្ដេចធិបតី បានមានប្រសាសន៍ថា៖ ការផ្គត់ផ្គង់ទឹកស្អាតជូនប្រជាពលរដ្ឋ គឺជាកិច្ចការមួយដែលរាជរដ្ឋាភិបាលបានយកចិត្តទុកដាក់ខ្លាំងជាច្រើនអាណត្តិមកហើយ។ ជាលទ្ធផល រាជរដ្ឋាភិបាលបានកសាងបណ្ដាញទឹកស្អាតដែលគ្របដណ្ដប់តំបន់ជាច្រើន នៅតាមបណ្ដារាជធានី-ខេត្ត នៅទូទាំងប្រទេស។ ទោះជាយ៉ាងនេះក៏ដោយ ដោយសារកំណើនប្រជាពលរដ្ឋ ដែលធ្វើឱ្យតម្រូវការផ្គត់ផ្គង់ទឹកស្អាតកាន់តែមានច្រើនឡើងជាលំដាប់ ជាពិសេសនៅតំបន់ជនបទ និងតំបន់ដែលកកើតថ្មីៗជុំវិញទីក្រុងនិងទីប្រជុំជនធំៗ។ ដើម្បីឆ្លើយតបនឹងការកើនឡើងនៃតម្រូវការរបស់ប្រជាពលរដ្ឋ រាជរដ្ឋាភិបាលបានធ្វើការវិនិយោគជាបន្តបន្ទាប់នៅក្នុងការបង្កើនសមត្ថភាពផលិតទឹកស្អាតផ្ដល់ជូនប្រជាពលរដ្ឋ។ ថ្មីៗនេះ ក្នុងនាមជាប្រមុខរាជរដ្ឋាភិបាល ខ្ញុំបានសម្រេចផ្ដល់ថវិកាចំនួន ៦០លានដុល្លារអាមេរិកក្នុងរយៈពេលបីឆ្នាំ តាមសំណើរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សម្រាប់ធ្វើការវិនិយោគពង្រីកហេដ្ឋារចនាសម្ព័ន្ធទឹកស្អាត និងបណ្ដាញទឹកស្អាត ដើម្បីផ្គត់ផ្គង់ជូនប្រជាពលរដ្ឋនៅ ៥ខេត្ត ដែលរួមមាន ÷ ១/ រដ្ឋករទឹកកំពត ខេត្តកំពត ២/ រដ្ឋករទឹកស្វាយរៀង ខេត្តស្វាយរៀង ៣/ រដ្ឋករទឹកក្រុងស្ទឹងសែន ខេត្តកំពង់ធំ ៤/ រដ្ឋករទឹកមណ្ឌលគីរី ខេត្តមណ្ឌលគីរី ៥/ រដ្ឋករទឹកពោធិ៍សាត់ […]

ក្រចេះ ៖ សមាគមន៍សុខាភិបាលខ្មែរនៅសហរដ្ឋអាមេរិក បានមកដល់មន្ទីរពេទ្យបង្អែកខេត្តក្រចេះ កាលពីថ្ងៃទី១០ ខែកុម្ភៈ ឆ្នាំ២០២៥ រហូតមកដល់ ថ្ងៃទី១៤ ខែកុម្ភៈ ឆ្នាំ២០២៥ បានអនុវត្តការងារជំនាញរបស់ខ្លួន ពិនិត្យ និងព្យាបាលជំងឺទូទៅជូនប្រជាពលរដ្ឋនៅមន្ទីរពេទ្យបង្អែកខេត្ត មន្ទីរពេទ្យបង្អែកស្រុកសំបូរ និងមន្ទីរពេទ្យបង្អែកស្រុកឆ្លូង។ នៅថ្ងៃទី១៤ ខែកុម្ភៈ ឆ្នាំ២០២៥ អង្គភាព​សារព័ត៌មាន​ ​បាន​ពិនិត្យ​សុខ​ភាព​ជា​មួយ​នឹង​សមាគមន៍សុខា​ភិបាល​ខ្មែរនៅ​សហរដ្ឋ​អាមេរិក​ដោយ​មិន​គិត​ថ្លៃ ហើយ​ក៏​បាន​ធ្វើ​បទ​សម្ភាសន៍​ជាមួយ​លោក​វេជ្ជបណ្ឌិត សុង តាន់ ពីគោល​បំណង​ដែល​លោក​ដឹក​នាំ​ក្រុម​គ្រូពេទ្យ​ស្ម័គ្រ​ចិត្ត​ចុះ​មក​ជួយព្យាបាល​ជម្ងឺ​ទូទៅ​ជូន​ប្រជា​ពលរដ្ឋ​ខ្មែរ​ដោយ​មិន​គិតថ្លៃផងដែរ។ លោកវេជ្ជបណ្ឌិត សុង​ តាន់​ បាន​ប្រាប់​មក​អ្នក​សារព័ត៌មានយើងថា ការ​ដែល​​បង្កើត​សមាគមសុខាភិបាល​ខ្មែរនៅអាមេរិក​នេះឡើង​បាន​ដោយ​សារតែ​ការ​ចូល​រួម​ពី​ប្រជាជន​ខ្មែរ​ដែល​រស់​នៅ​សហរដ្ឋអាមេរិក នៅក្នុងទីក្រុងឡុងប៉ិចគឺ​សម្បូរដោយ​ជនជាតិខ្មែរ ហើយសមាគម​នេះ​បង្កើត​មិនមែន​មាន​តែ​ជនជាតិខ្មែរ​ដែរ គឺមានជនជាតិឥណ្ឌា ជនជាតិស្បែកស ជន​វៀតណាម​ និងជនជាតិផ្សេងទៀតដែរមានគោលដៅ​ជួយព្យាបាលជម្ងឺទូទៅ​ដល់​ប្រជាពលរដ្ឋ​កម្ពុជា។ លោក​បាន​មាន​ប្រសាសន៍បន្ថែមទៀតថា សមាគមន៍​របស់​លោក​បាន​ចុះ​មកប្រទេស​កម្ពុជា​រៀង​រាល់​មួយឆ្នាំ​ម្តង​ គិតចាប់​តាំង​ពី​ឆ្នាំ​២០១០មករហូតមកដល់​ឆ្នាំ​២០២៥​នេះ​ជា​លើក​ទី​១៣ ហើយ​ដែល​សមាគមន៍បាន​ចុះ​មកព្យាបាលបើកុំ​តែ​មានវិបត្តិកូវីត១៩កុំអី​ឆ្នាំ​នេះ​ជាលើក​ទី១៦​ហើយ​នៅ​ឆ្នាំ​នេះក្រុមគ្រូពេទ្យស្ម័គ្រចិត្តចូលរួមមកកាន់​ប្រទេស​កម្ពុជា​មាន​ចំនួន​១៤៥នាក់ ហើយ​ថ្នាំ​ដែល​ពួក​យើង​យក​មក​នោះគឺ​មាន​ចំនួន​ជិត២តោន ហើយយើង​មក​នេះ​មិន​មែន​មក​តែ​ព្យាបាល​មួយមុខនោះទេ យើងក៏មាន​អប់​រំ​ និងបង្រៀន​ដល់​និស្សិត​ពេទ្យ​នៅ​ប្រទេស​កម្ពុជា​យើង​មាន​ចំនួន​៩០នាក់​ទៀត។ លោក​ សុង តាន់ បាន​ប្រាប់មក​អង្គភាពព័ត៌មានយើងថា  អ្នកស្ម័គ្រ​ចិត្ត​ចូល​រួម​ក្នុង​សមាគមន៍គឺ​មិន​មាន​ប្រាក់​ខែ​ទេ ​គឺ​ចំណាយទាំង​ពេលវេលា ចំណាយថ្លៃសំបុត្រយន្តហោះ និងចំណាយស្នាក់ផ្សេងៗដោយខ្លួនឯងទាំងអស់គឺមិនមានជំនួយទេ គឺមានតែបាន​មកពី​សប្បុរស​ធម៌របស់​ពលរដ្ឋ​ខ្មែរ​នៅអាមេរិក​រៃអង្គាស​គ្នា​ដើម្បី​ទិញ​ថ្នាំ និងបរិក្ខា​ពេទ្យ​មួយ​ចំនួន​ដើម្បី​យក​ប្រើ​ប្រាស់​ព្យាបាល​អ្នកជម្ងឺជូន​ប្រជាពលរដ្ឋខ្មែរដោយ​មិនគិតថ្លៃ។ លោកបានបន្តទៀតថា […]

កោះកុង៖ លោក ម៉ែន ឃុន អាយុ៦៣ឆ្នាំ ជាអតីតយោធាជនពិការ រស់នៅភូមិជីមាល ឃុំអណ្ដូងទឹក ស្រុកបទុមសាគរ ខេត្តកោះកុង បានទៅកាប់ព្រៃរើរៀនតាំងតែពីរឆ្នាំ២០០០ ដើម្បីធ្វើអាស្រ័យផលរហូតដល់បច្ចុប្បន្ននេះបាន២៥ឆ្នាំហើយ រហូតដល់ចុងខែវិច្ឆិកា ឆ្នាំ២០២៣ ទើបគាត់សុំអាជ្ញាធរស្រុកចុះវាស់ធ្វើប្លង់កាន់កាប់ ឃើញដីអាស្រ័យផលរបស់គាត់ចំនួន២ហិកតា៨០អា តែពេលមន្ត្រីសុរិយោដីចុះវាស់ជាប្រព័ន្ធដែលមានលោក ស្រាន់ ជាប្រធានចុះវាស់វែងជួយ ឃុំអណ្តូងទឹក ស្រុក បូទុមសាគ បានមានប្រសាសន៍ប្រាប់ម៉ែន ឃុន ថាឱ្យគាត់ទទួលយកដីចំនួនបានតែ៥៧អា តែប៉ុណ្ណោះ។ យោងតាមប្រភពពីលោក ម៉ែន ឃុន និងប្រពន្ធឈ្មោះ អោក ស្រ៊ន់ អាយុ ៥៤ឆ្នាំមានកូនប្រុសម្នាក់ឈ្មោះ ញ៉ ម៉េងហុង មានអាយុ២០ឆ្នាំ មានសតិមិនគ្រប់ផងនោះ បានប្រាប់មកកាន់អង្គភាពខ្មែរឦសាន និងអង្គភាព យុវជនថ្មីថា គាត់បានមកកាប់រានដីធ្វើចម្ការនៅភូមិឃុំខាងលើនេះតាំងពីឆ្នាំ២០០០ រហូតដល់បច្ចុប្បន្ននេះបាន២៥ឆ្នាំហើយ លុះនៅចុងឆ្នាំ២០២៣ អាជ្ញាធរ​បានចុះវាស់វែងលើកទីមួយ មានខាងស្រុកអីមកជាមួយដែរ បានវាស់ដីរបស់គាត់ឃើញដីអាស្រ័យផលចំនួន២ហិកតា៨០អា ដោយពេលដែលលោកបានដាក់ពាក្យសុំធ្វើប័ណ្ណកម្មសិទ្ធិនោះលោកដាក់ក្នុងទំហំដីចំនួន៤ហិកតា។ លោក ម៉ែន ឃុន បានបន្ថែមថា កាលពីឆ្នាំ២០១៣ ខាងវ៉ៃអេដ និងខាងបរិស្ថានបានទៅបោះបង្គោលព្រំដើម្បីកំណត់ដីរបស់រដ្ឋ […]

 ភ្នំពេញ៖  នៅថ្ងៃទី១១ ខែកុម្ភៈ ឆ្នាំ២០២៥នេះ ក្រសួងពាណិជ្ជកម្មបានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានា ដោយចាប់ពីថ្ងៃនេះ ដល់ថ្ងៃទី២០ ខែកុម្ភៈ ឆ្នាំ២០២៥ ត្រូវលក់សាំងធម្មតាតម្លៃ ៤,០០០រៀល និងម៉ាស៊ូតត្រូវលក់ ៣,៨៥០រៀល ក្នុង១លីត្រ។ ដោយអនុវត្តតាមគោលការណ៍​ដែល​ចុះដោយ សម្តេចតេជោ ហ៊ុន សែន និង​ សម្តេចបវធិបតី ហ៊ុន ម៉ាណែត ក្នុងគោលបំណង​ជួយ​សម្រួល​ដល់​ជីវភាព​របស់​ប្រជា​ពលរដ្ឋ​ និង​ដោយមាន​ការ​ចូលរួម​ចំណែក​ពី​ក្រុមហ៊ុន​ចែក​ចាយ​ប្រេង​ឥន្ធនៈនៅកម្ពុជាផងនោះទើប បាន​អនុញ្ញាតឱ្យ​បន្តបញ្ចុះតម្លៃលក់រាយនៃប្រេងសាំងបន្តទៀត៕

បាត់ដំបង៖ទឹកស្ទឹងសង្កែកំពុងហក់ឡើងខ្លាំងបណ្តាលអោយលិចភូមិនិង​ផ្លូវមួយចំនួនក្នុងស្រុកបាណន់ ស្រុកសង្កែ ស្រុកឯកភ្នំ និង ក្រុង​បាត់ដំបង។ ដោយផ្អែកលើស្ថានភាពកម្រិតកម្ពស់ទឹក គិតត្រឹមវេលា​ម៉ោង​៩និង​០៦នាទី ព្រឹក ថ្ងៃទី៣០ ខែ កក្កដា ឆ្នាំ២០២៤ នេះ មានកម្ពស់១៣.៦៨ ម៉ែត្រ។ ចំណែកអាជ្ញាធរ និង សមត្ថកិច្ច កំពុងត្រៀមកម្លាំង ដើម្បីជួយសង្គ្រោះ​ប្រជាពលរដ្ឋ ដែលមានលំនៅដ្ឋាននៅតំបន់ទំទាប និង រស់នៅ​តាមដងស្ទឹងសង្កែ បែកខាងក្រោម ក្នុងស្រុកឯកភ្នំ ខេត្ត​បាត់ដំបង។ ដើម្បីជៀសវាងនូវគ្រោះថ្នាក់ផ្សេងៗ សូមបង ប្អូន ប្រជាពលរដ្ឋ បង្កើន​ការប្រុងប្រយ័ត្ន អោយបានខ្ពស់ ជៀសវាង​កុំអោយមាន​គ្រោះថ្នាក់​កើត​ឡើងជាយថាហេតុ៕

ក្រចេះ៖ នៅព្រឹកថ្ងៃទី២០ ខែកក្កដា ឆ្នាំ២០២៤នេះ ឯកឧត្ដម គង់ គឹមនី អភិបាលរងខេត្ត និងជាប្រធានក្រុមការងារចុះជួយស្រុកស្នួល និងឯកឧត្តម ប៉ាង ណាត រដ្ឋលេខាធិការក្រសួងព័ត៌មាន និងជាប្រធានក្រុមការងារចុះមូលដ្ឋានឃុំស្នួល ព្រមទាំងថ្នាក់ដឹកនាំ មន្រ្តីរាជការ អភិបាលស្រុក ប្រធានមន្ទីរ អង្គភាព និងពុទ្ធបរិស័ទបានយកនូវទៀនព្រះវស្សា គ្រឿងឧបភោគបរិភោគ និងបច្ច័យទៅវេរប្រគេនព្រះសង្ឃដែលគង់ចាំព្រះវស្សាចំនួន ៥វត្ត ដែលពិធីនេះ បានប្រារព្វធ្វើឡើងនៅវត្តវត្តសុគន្ធារាម (វត្តសេះស) ភូមិថ្ពង ឃុំស្នួល ស្រុកស្នួល ខេត្តក្រចេះ។ ឯកឧត្ដម គង់ គឹមនី មានប្រសាសន៍ថា ការចូលកាន់ព្រះវស្សា គឺជាបុណ្យមួយដែលមានសារ:សំខាន់ក្នុងព្រះពុទ្ធសាសនា ជាពេលវេលាដ៏សំខាន់សម្រាប់ភិក្ខុសង្ឃ និងសាមណេបានរៀនធម៌ និងវិន័យឱ្យបានខ្ជាប់ខ្ជួន តាមពុទ្ធឱវាទរយៈពេល០៣ខែ ចាប់ផ្តើមពីថ្ងៃ០១រោច ខែទុតិយាសាឍ ដល់ថ្ងៃ១៥កើត ខែអស្សុជ។ ហើយទៀនព្រះវស្សាព្រមទាំង គ្រឿងឧបភោគ បរិភោគ និងបច្ច័យយកមកវេរប្រគេន ព្រះសង្ឃ នាពេលនេះ គឺជាការគោរពប្រពៃណី សាសនា ព្រះពុទ្ធត្រូវចូលកាន់ព្រះវស្សា ក្នុងរយៈពេលអស់មួយត្រីមាស ដែលព្រះសង្ឃគង់ចាំព្រះវស្សានៅក្នុងទីវត្ត […]

ក្រចេះ៖ បើគិតត្រឹមព្រឹកថ្ងៃទី១៨ ខែកក្កដា ឆ្នាំ២០២៤នេះ ទឹកទន្លេមេគង្គក្នុងខេត្តក្រចេះ បានហក់ឡើងជាបន្តបន្ទាប់ គឺមានកម្ពស់ ១៥.៣១ម៉ែត្រ ខណៈដែលស្ថានភាពទឹកភ្លៀងនៅតែបន្តធ្លាក់រៀងរាល់ថ្ងៃនៅតាមបណ្តាស្រុក ក្រុងទាំង៧ នៅទូទាំងខេត្តក្រចេះ និងបណ្ដាលឲ្យ​ស្រុកមួយចំនួនមានការជន់លិចផ្លូវលំ និងស្ពានមួយចំនួនផងដែរ ។ ជាក់ស្ដែងនៅថ្ងៃទី១៧ ខែកក្កដានេះ ស្ថានភាពទឹកភ្លៀងនៅតែបន្តធ្លាក់ស្រោចស្រព ក្នុងភូមិសាស្ត្រនៃខេត្តក្រចេះ ដែលបណ្ដាលឱ្យទឹកអូរ ព្រែក មួយចំនួន មានការជន់ឡើង បង្កឱ្យមានការលិចផ្លូវលំ ឬស្ពានមួយចំនួន តែទោះជាយ៉ាងណាអាជ្ញាធរថា មិនទាន់មានការប៉ះពាល់ធ្ងន់ធ្ងរនៅឡើយនោះទេ។ ដោយឡែកនៅស្រុកអូរគ្រៀងសែនជ័យ លោក ឈា ផល្លី អភិបាលស្រុកបានឲ្យដឹងថា នៅព្រឹកថ្ងៃទី១៨ ខែកក្កដានេះ លោកបានដឹកនាំក្រុមការងារស្រុកចុះពិនិត្យមើលជាក់ស្ដែងអំពីស្ថានភាពរស់នៅបងប្អូនប្រជាពលរដ្ឋ ស្ថានភាពជំនន់ទឹកភ្លៀង និងផលប៉ះពាល់ផ្សេងៗ ដោយសារជំនន់ទឹកភ្លៀង និងដើម្បីត្រៀមបង្កា អន្តរាគមន៍ជួយសង្គ្រោះ ប្រជាពលរដ្ឋឲ្យ​បានទាន់ពេលវេលា។ លោកបានបន្តថា ជំនន់ទឹកភ្លៀងធ្វើបានប៉ះពាល់ដល់ផ្លូវចំនួន២ខ្សែ ទី១-ផ្លូវលំបំបែកតភ្ជាប់ពីចំណុចមណ្ឌលសុខភាពក្បាលដំរីទៅស្រុកសំបូរ កសាងឡើងដោយក្រសួងអភិវឌ្ឍន៍ជនបទ នៅម្តុំស្ពានអូរតាណឹង ទឹកហូរកាត់ និងច្រោះផ្លូវអស់ប្រវែង១៥០ម៉ែត្រ និងទី២-ផ្លូវលំ កសាងឡើងដោយឃុំ នៅម្តុំស្ពានអូតាណឹងដែរ ទឹកហូរកាត់ និងច្រោះផ្លូវប្រវែង ប្រហែល៥០០ម៉ែត្រ និងទំនប់ ១កន្លែង […]

  ក្រចេះ៖ កាលព្រឹកថ្ងៃទី០៩ ខែកក្កដា ឆ្នាំ២០២៤ រដ្ឋបាលខេត្តក្រចេះ សហការណ៍ជាមួយអគ្គនាយកដ្ឋានរដ្ឋបាលក្រសួងមហាផ្ទៃ បានរៀបចំវគ្គបណ្តុះបណ្តាលរំលឹកឡើងវិញស្តីពី បែបបទ និងនីតិវិធីនៃការផ្តល់សេវារដ្ឋបាលរបស់អង្គភាពច្រកចេញចូលតែមួយរាជធានីខេត្ត ជូនថ្នាក់ដឹកនាំ និងបុគ្គលិកពាក់ព័ន្ធរបស់អង្គភាពច្រកចេញចូលតែមួយ ក្រោមអធិបតីភាព ឯកឧត្តម បួន ហេង អគ្គលេខាធិការរង នៃអគ្គលេខាធិការដ្ឋាន គណៈកម្មាធិការគ្រប់គ្រងសំរាម សំណល់រឹងទីប្រជុំជន និងជាប្រធាននាយកដ្ឋានមុខងារ និងធនធាន អគ្គនាយកដ្ឋានរដ្ឋបាល ក្រសួងមហាផ្ទៃ និងលោក ស្រេង សុភាព អភិបាលរងខេត្តក្រចេះ ។ លោក ស្រេង សុភាព អភិបាលរងខេត្តក្រចេះ មានប្រសាសន៍ថា វគ្គបណ្តុះបណ្តាលនេះមានរយៈពេល០៣ថ្ងៃ រៀបចំឡើងដោយនាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាល ក្រសួងមហាផ្ទៃ ក្នុងគោលបំណងបង្កើនចំណេះដឹង និងបទពិសោធន៍លើការប្រើប្រាស់កម្មវិធីព័ត៌មានវិទ្យាសម្រាប់គ្រប់គ្រង និងផ្តល់សេវានៅអង្គភាពច្រកចេញចូលតែមួយ ជូនថ្នាក់ដឹកនាំខេត្ត មន្ទីរ និងបុគ្គលិកពាក់ព័ន្ធ ពិសេសមន្ត្រីអង្គភាពច្រកចេញចូលតែមួយខេត្ត ដែលបានផ្លាស់ប្ដូរថ្មី រួមទាំងមន្ត្រីបុគ្គលិកដែលមិនធ្លាប់ទទួលបានការបណ្តុះបណ្តាលនាពេលកន្លងមក។ ថ្លែងក្នុងពិធីបើកវគ្គបណ្តុះបណ្តាលនេះដែរ ឯកឧត្តម បួន ហេង បានផ្ដាំផ្ញើដល់សិក្ខាកាមទាំងអស់ ត្រូវយកចំណេះដឹង និងបទពិសោធន៍ដែលទទួលបានពីវគ្គបណ្ដុះបណ្ដាលនេះយកទៅអនុវត្ដឱ្យបានជោគជ័យ […]

ខេត្តក្រចេះ៖ ឈ្មួញឈើឈ្មោះដេវីត កាលពីពេលថ្មីៗនេះប្រជាពលរដ្ឋបាននិយាយថា ឈ្មួញឈើរូបនេះបាននឹងកំពុងបង្កើនការដឹកជញ្ជូនឈើគ្មានច្បាប់អនុញ្ញាតចេញពីព្រៃការពារបរិស្ថានចំណុចស្រែឈូកស្រុកកែវសីមាខេត្តមណ្ឌលគិរី ដឹកឆ្លងតាមផ្លូវផ្សារ១១៥ ឃុំគ្រញូងសែនជ័យស្នួលខេត្តក្រចេះ យ៉ាងសកម្ម តែបើកម្លាំងប៉េអឹមស្នាក់ការសន្តិសុខ៧០៩ វិញបានរក្សាភាពស្ងៀមស្ងាត់។ ពលរដ្ឋបាននិយាយទៀតថា បន្ទាប់ពីមានការដឹកជញ្ជូនឈើតាមរយៈរថយន្តសាំយ៉ុង និងគោរយន្តកែឆ្នៃដឹកឈើរបស់លោក តាសារឿន ដឹកអុសសង្ស័យមានបង្កប់ឈើប្រណិត ឆ្លងដែនទៅលក់នៅប្រទេសវៀតណាម តាមច្រកប៉ុស្តិ៍ព្រំដែនជ័យឃ្លាំង យ៉ាងគគ្រឹក គគ្រេងយ៉ាងនេះហើយ កម្លាំងអាវុធហត្ថស្នាក់ការ៧០៩ ត្រូវគេឃើញគ្មានចំណាត់ការទៅលើឈ្មួញឈើទាំងនេះឡើង។ ជាក់ស្តែង នៅរាត្រីយប់ថ្ងៃទី២៧ ខែមិថុនា ឆ្នាំ២០២៤នេះ ប្រជាពលរដ្ឋបានឃើញសមត្ថកិច្ចស៊ីវិលមួយចំនួនបានឃាត់សួរនាំឈ្មួញឈើឈរូបនេះមួយចំអិនកំពឹស ក៍ត្រូវគេឃើញប្រលាញឱ្យរថយន្តដឹកឈើពណ៍ខៀវពាក់ស្លាកលេខ ភ្នំពេញ2AH.0814 បន្តដំណើរទៅមុខទៀតដោយរលូន។ យ៉ាងណាក៍ដោយ ករណីដឹកជញ្ជូនបទល្មើសព្រៃឈើចេញពីស្រែឈូកកាត់តាមផ្លូវផ្សារ១១៥ ស្ថិតនៅចំណុចភូមិគ្រញូងសែនជ័យឃុំគ្រញូងសែនស្រុកស្នួលខេត្តក្រចេះខាងលើនេះ ពលរដ្ឋស្នើរសុំឱ្យលោកប្រធានស្នាក់ការប៉េអឹម(PM)៧០៩ ចុះធ្វើការបង្ក្រាបបទល្មើសព្រៃឈើទាំងនេះអោយទាន់ពេលវេលាផង កុំឱ្យប្រជាពលរដ្ឋរិះគន់៕